Rënia e temperaturave ka sjellë reshjet e para të dëborës në qarkun e Kukësit, ndërsa deri tani nuk raportohen problematika në rrugë apo në furnizim me energji elektrike.
Në lartësinë mbi 900 metra mbi nivelin e detit trashësia e dëborës shkon në 5 cm, por kjo gjë nuk ka shkaktuar probleme në asnjë zonë.
Gjithashtu edhe në Has e Tropojë nuk raportohen probleme, ndërkohë autoritet vijojnë punën për kriposjen e rrugëve. Furnizimi me energji elektrike është normal në gjithë territorin e Qarkut Kukës. Furnizimi me ujë të pijshëm është normal.
