Deputeti i PS, Petro Koçi ka komentuar përplasjen Braçe-Balla, në lidhje me buxhetin për bujqësinë. Ai u shpreh se mes dy deputetëve nuk ka ndodhur ndonjë sherr, por vetëm një prononcim, në të cilin Braçe mbron propozimin e tij për fermerët.
Sipas Koçit do të ishte mirë që çështja të zgjidhej brenda grupit pa u çuar në seancë.
“Nuk ka ndodhur ndonjë sherr, ka pasur një prononcim që Erioni gjykon se i ashtuquajturi refuzim ka ardhur nga Balla. Në fakt propozimi i Braçes nuk ishte ndonjë përplasje me formatin e buxhetit të propozuar nga qeveria. Mendoj që çështja nuk duhej çuar deri në seancë, dukej zgjidhur brenda grupit. Brace s’e ka lënë mandatin. Gjykoj se një pjesë e propozimeve që bën Braçe janë pozitive dhe bën një përpjekje për të zgjidhur më mirë disa problematika në zonat rurale”, u shpreh Koçi.
