Zëvendësministrja e Brendshme, Romina Kuko i konsideron të shëmtuara aktet e dhunës nga militantë të Rithemelimit dhe të Partisë së Lirisë, të cilët në protestat e tyre kanë hedhur molotov e djegur goma, si para Bashkisë së Tiranës, por edhe para Kuvendit.
Në një intervistë për ABC News, Kuko u shpreh se çdo gjë bëhet për të mbrojtur Sali Berishën, të cilit i kanë mbetur edhe dy javë nga djegia e mandatit të deputetit.
“Është teatër shtëtitës, vishen si protestues para Kuvendit, pastaj vishen si mbështetës dhe shkojnë te një rrugicë në Tiranë. Janë imazhe të shëmtuara, nuk frymëzojnë, janë më pak protestues. Më vjen keq ata që besojne te forca e djathtë, por që përdoren për mish për top. Është po i njëjti grup që kërkon të mbrojë me gjak, tym një individ të caktuar. Kanë ngelur edhe dy javë nga djegia e mandatit, këto protesta do të radikalizohen. Duan të duken grupe qytetarësh të thjeshtë, por janë leva të një njeriu të caktuar. Është për të ardhur keq, kjo duhet të marrë fund“, tha Romina Kuko.
