Shqipëria dhe kryeministri Edi Rama do të drejtojë ditën e sotme një nga seancat më të rëndësishme në Këshillin e Sigurimit në OKB.
Rama që do të drejtojë këtë seancë të nivelit të lartë fokusi i së cilës do të jenë pasojat e agresionit rus kundër Ukrainës, ku të pranishëm do jenë krerët e shteteve.
Gjithashtu Rama bën thirrje Rusise për të ndaluar në mënyrë urgjente luftën nga e cila po kërcënohet e gjithë bota.
“Efektet e dëmshme të luftës nuk kufizohen vetëm të Ukrainë dhe Evropa, por në cdo cep të botës dhe kërcënojnë sigurinë e ushqimit në mbarë botën. Duhet të jemi të bashkuar në përpjekje për të ndalur këtë luftë. Ky takim është i nevojshëm për të ndarë mendimin si mund të shfrytëzojmë cdo mundësi për paqe. Do ta shfrytëzojmë këtë takim për ti bërë thirrje Rusisë për të rifilluar nismën e grurit të detit të zi për hir të atyre që kërkojnë ndihmë për ushqim nga kombet e bashkuara”, tha ndër të tjera Rama.
