Java e fundit e shtatorit ka nisur me mot të kthjellët dhe temperatura të larta në të gjithë territorin, por ndryshime të ndjeshme pritet të vihen re nga e mërkura.
Meteorologu Hakil Osmani paralajmëron se nga e mërkura, priten reshjet e para të izoluara në zonat perëndimore, ndërsa të enjten do të përqendrohen më shumë në lindje të vendit.
Në ditët e premte dhe të shtunë reshjet do të bëhen më të shpeshta në të gjithë territorin, veçanërisht në veri, ku mund të ketë rrebeshe të shkurtra shiu. E diela pritet të sjellë reshje kryesisht në jug, ndërsa pjesa tjetër e vendit do të përjetojë përmirësim të lehtë të motit.
“Të hënën parashikohen deri në 34 gradë Celsius, ndërsa të martën rreth 33 gradë Celsius. Nga dita e mërkurë e në vijim do të kemi rënie graduale të temperaturave, duke kulmuar të premten me maksimumet që zbresin në 30 gradë Celsius në zonat e ulëta dhe rreth 8–9 gradë Celsius në zonat malore” tha Osmani.
