Partia Demokratike ka reaguar pas qëndrimit të Policisë e cila nuk jep leje për protestën e datës 6 Dhjetor të zhvillohet perballe Kryeministrisë, ditën kur do të vijnë liderët e BE-së.
Krahu i djathtë i Saliut, Flamur Noka, është shprehur se ata kanë njoftuar policinë, në lidhje me tubimin, pasi sipas tij nuk merret leje per te protestuar. Noka ka thënë se protesta e qytetarëve është një e drejtë demokratike dhe askush nuk mund ta ndalojë.
“Policia nuk ka dhënë leje për protestën paqësore. Protesta është e drejtë demokratike e fituar që në Dhjetor të ’90. Askush nuk mund të ndalë të drejtën për të protestuar. Askujt në Shqipëri ne nuk i marrim leje për të protestuar. Në bazë të ligjit njoftojmë, kaq është detyrimi ligjor”, ka thënë Noka.
