Teksa protesta e paralajmëruar e opozitës pritet të nisë vetëm disa momente më vonë, autoritetet kanë nisur marrjen e masave për mbarëvajtjen e tubimit.
Efektivë të shumtë policie, por edhe efektivë të FNSH të cilët janë pozicionuar pas Kryeministrisë. Po ashtu është vendosur edhe një mjet zjarrfikës, si edhe një autobot me ujë.
Teksa Policia e Shtetit ka marrë masat për ruajtjen e institucioneve dhe mbarëvajtjen e rendit dhe sigurisë, ministri i Brendshëm, Ervin Hoxha u pa teksa kalonte rrugën në bulevardin “Dëshmorët e Kombit” dhe shkonte për në zyrën e tij.
I shoqëruar edhe nga truprojat, i veshur civil dhe jo me kostum zyrtar, ministri Ervin Hoxha u pa teksa përshëndetej me efektivët në detyrë para dikasterit, pak çaste para se të hynte në derën kryesore./ Rilindje.info /
