Avokati Spartak Ngjela tha se protesta e 12 nentorit ishte një “vetëtimë në një qiell pa re” dhe nuk kishte asgjë të veçantë. Edhe sa i takon pjesëmarrjes, Ngjela tha se ishte e ulët dhe kjo nuk mjafton për të marrë pushtetin.
“Protesta e 12 nëntorit nuk kishte ndonjë gjë të veçantë, është sëmundje e atyre që mund të bëjnë revolucion. Pse duhej bërë? Një ekspert gjerman më tha diçka interesante. Sa herë ka konflikt Serbia me Kosovën, Beogradi Tiranë organizon destabilizim. Ishte vetëtimë në një qiell pa re. Le që ishte e dobët, nuk kishte asnjë vlerë në funksion të numrit”, tha fillimisht Ngjela.
Pyetje: Pjesëmarrja ishte e gjerë?
“Juve iu duk pjesëmarrje e gjerë? E dini si maten këto, ju s’doni ta besoni, 2-3 persona në 1 m2 rrinë, atje ishin, 2 në m2. Kanë qenë 2-3 mijë persona. Pse me kaq do e marrësh pushtetin? Janë turpe. Ja hyre te zyrat e kryeministrisë. Po pastaj? Është sëmundje e vjetër e politikës shqiptare, ajo e Saliut, jo ajo tjetra. Opozita është e përçarë, në krizë e nuk ka vota”, tha Ngjela.
