Anëtari i Këshillit Kombëtar të Partisë Demokratike, Roland Bejko thotë se në protestën e 6 dhjetorit nuk do të marrë pjesë. Bejko nuk kurseu kritikat për Sali Berishën dhe mbështetësit e tij për të cilët thotë se po “hanë bar”.
“Amerikanët kanë thënë se kemi këtë zotërinë që e kemi shpallur non grata për korrupsion. Këta që ndjekin Berishën zgjodhën të gabuarin dhe janë në procesin e të ngrënit bar. Se të hash bar, është të vish rrotull si kali në lëmë.
Ky është rast historik, që hera e parë që krerët e shteteve të Europës vijnë në Shqipëri, kur t’i thonë Ramës kush është ai, Rama do thotë se është ai i partisë së financuar me paratë ruse, ai i shpallur non grata”, tha Bejko.
