Ministrja Ogerta Manastirliu ka reaguar në lidhje me protestën e paralajmëruar nga Sali Berisha me 6 dhjetor, ditën kur liderët e BE do të vizitojnë Shqipërië.
Manastirliu thotë se “non grata” nuk është halli i popullit dhe se më 6 dhjetori do të shënojë dita kur shqiptarët do të braktisin një herë e përgjithmonë Sali Berishën, duke i kthyer shpinën përpjekjeve për të njollosur Shqipërinë.
“6 Dhjetori është dita për të cilën çdo shqiptar ndihet krenar. Interesi i madh i shqiptarëve është që të vazhdojnë përpara me ritme të shpejta në rrugën e integrimit në BE. Interesi i vogël i Sali Berishës, është që të pengojë me çdo kusht dhe me çdo mjet këtë aspiratë historike të shqiptarëve. Për fatin e tij të keq, njolla e “non grata”-s, nuk mund të jetë kurrësesi halli i një populli, rruga e të cilit është ndarë një e herë e mirë, shumë kohë më parë, nga Sali Berisha. 6 dhjetori do të shënojë njëkohësisht ditën kur shqiptarët do të braktisin një herë e përgjithmonë në hallin e tij Sali Berishën, duke i kthyer shpinën përpjekjeve të non grata-s për të njollosur Shqipërinë”, shkruan Manastirliu.
