Naftë, autobusë e mjete transporti falas për protestuesit dhe militantët e ardhur nga rrethet në drejtim të Tiranës, kjo është prapaskena e protestës të shitur si madhështore në mediat “kazan” që kontrollohen nga Partia Demokratike.
20 litra naftë, autobus e fugon falas, për të gjithë protestuesit që kanë ardhur nga rrethet të shtunën në mbështetje të protestës organizuar nga mbështetësit e Sali Berishës. Fiks Fare solli bisedat e tyre me zë e figurë, ku një nga protestuesit e qytetit bregdetarë tregon se për të ardhur në protestë me makinën e tij i kanë dhënë naftë, “më ka dhënë 20 litra naftë për makinën time, kryetari i degës së PD –së Durrës. Ardhja në Tiranë ka qenë e organizuar, por me të ardhur në shesh shokët e mi m’u zhdukën” tregon protestuesi gjatë emisionit “Fiks Fare”.
“Ata që do vijnë nga rrethet lëvizja është e organizuar me autobuzë, furgon dhe makina. Mjetet i organizojnë kryetarët e degëve të PD-së në rrethe” shprehet përfaqësuesi i PD-së. Pasi të zotërojë listën me pjesëmarrësit ai shpjegon se dikush do i kontaktojnë në telefon për t’i verifikuar.
