Ish-ministrja Klajda Gjosha ka rrëfyer se si erdhi largimi i saj nga politika.
Ajo theksoi se, në planin personal, ndihet shumë më e qetë dhe më pranë familjes, ndërsa shtoi se ka zgjedhur të vijojë angazhimin e saj profesional dhe të jetë aktive në shoqërinë civile.
Pyetje: Si ndihesh që je jashtë politikës tashmë?
Gjosha: “Në anën personale unë jam shumë më e qetë. Jam shumë më pranë familjes sime dhe e vlerësoj në çdo moment këtë mundësi që më është dhënë me largimin tim. Kam zgjedhur personalisht të vazhdoj në profesionin tim dhe të jem e angazhuar me shoqërinë civile në shumë çështje. Është njësoj si të bëj politikë, por tashmë jashtë këtij sistemi. E shoh situatën nga jashtë me shumë trishtim. Ndoshta kur kam qenë brenda nuk kam arritur ta shoh me sytë e publikut, mund të mos kem qenë kaq e ftohtë sa jam tani”
