Kryeministri Edi Rama zgjodhi të ironizonte praninë e flamurit të NATO-s (Aleanca e Atlantikut të Veriut) në konferencën jubilare në Kongresin e 50-të të Drejtshkrimit.
Rama tha se arrin të kuptojë praninë flamurit të BE, por jo atë të NATO. Flamuri i NATO, ndodhej mes atij të Shqipërisë, Kosovës dhe Maqedonisë së Veriut.
“Tre flamujt të qëndrojnë bashkë si flamuj që mishërojnë ndër të tjera dhe në të njëjtën kohë, një pakt të vështirë siç është gjuha. Sa e pamundur është dukur jo shumë shekuj më parë, por deri disa vite më parë që shqipja të pranohej flitej e shkruhet lirisht si e drejtë themelore e shqiptarëve edhe në Kosovë e në Maqedoninë e Veriut. Nga ana tjetër, i vetmi flamur që nuk kuptova pse është ai i NATO-s? Ua thashë edhe organizatorëve se deri tek flamuri i BE e kuptoj. Historia na mëson se drejtshkrimi dhe gjuha e njësuar nuk janë gjë tjetër veçse një proces konsolidimi i frymës dhe i gërmës së një kombi, i qenies së një kombi”, tha Rama
