Humbja e thellë në Himarë, ka futur edhe njëherë në stres total opozitën. Tashmë të gjithë e kanë kuptuar nga i “vogli tek më i madhi” që dyshja Berisha-Meta nuk e fiton dot kurrë betejën me Edi Ramën i cili po shkon drejt mandatit të katër qeverisës.
Një prej të zhgënjyerve është edhe Lefter Maliqi, sipas të cilit, opozita nuk ekziston në bazë. Ai thotë se opozitë duhet t’u japë fund fjalëve dhe duhet të veprojë.
“Zgjohuni! Zbrisni urgjent në bazë, përballuni në fushë-betejë. Boll vetëm me fjalë, koha është e veprave. Himara mësim, ose pësimi i radhës! Thirrje PD-së dhe liderëve të opozitës: Zbrisni në bazë, krijoni struktura paralele me Rilindjen, evidentoni banditët, patronazhistët, shtoni radhët, shumëfishoni shtabet elektorale në çdo Bashki, në çdo “KZAZ”, vini përballë kundërshtarit të njëjtën përballje, madje më të madhe. Evidentoni dhe orientoni menjëherë mbështetësit për kartat e identitetit në gjithë vendin, që mos të ketë asnjë pa kartë identiteti të rregullt. Duhet përballje e fortë, ose ndryshe pranoni diktaturën”, shkruan Maliqi.
