Kryeministri dhe kryesocialisti Edi Rama zhvilloi këtë të mërkurë një takim me socialistët e kryeqytetit.
Mësohet se Rama u ka kërkuar ekipit të Tiranës të dalin në terren për të takuar qytetarët. Deputetët dhe ish-deputetët do të duhet të koordinohen me bashkinë e Tiranës për problematikat që më pas të raportohen.
Mësohet se kryeministri u ka kërkuar më shumë angazhim të gjithëve në veçanti bashkisë së Tiranës, sidomos për hapësirat publike.
Rama u ka thënë të pranishme: “U kam thënë se mungesa e kryetarit te zgjedhur do të jetë një problem, por ju nuk e keni marrë shumë seriozisht në atë kohë”.
Pritet të ngrihet një grup pune nën drejtimin e Manastirliut për të identifikuar të gjitha problematikat dhe të raportohen sërish në mbledhjet e tjera.
Takimi i fundit i kryeministrit Edi Rama me strukturat socialiste të kryeqytetit vjen në një moment që përkon me tensione të brendshme administrative dhe pritshmëri publike për përmirësimin e shërbimeve vendore.
