Kryeministri Edi Rama do të mbledhë kabinetin qeveritar në një takim 2-ditor në Pogradec më 23 dhe 24 gusht.
Mbledhja do të zhvillohet në formatin “retreat”, ku ministrat pritet të raportojnë për punën e bërë dhe prioritetet për muajt në vijim.
Ndryshe nga takimet e shkuara të këtij formati, nuk do të marrin pjesë zëvendës ministrat, por vetëm ministrat dhe drejtorët e agjencive në varësi të tyre. Sikurse në ‘retreatet’ e viteve të shkuara, çdo ministër do të raportojë për edhe prezencën mediatike dhe në rrjetet sociale. Por nuk mbaron këtu sprinti politik i Ramës që nis këtë të dielë.
Burime nga PS i pohuan se ma gjasë në javën e parë e shtatorit do të mblidhet asambleja kombëtare socialiste. Nëse do t’i referohemi mbledhjeve të shkuara të asambleve socialiste, ato janë përdorur nga Rama për të shpalosur ndryshime në kabinetin qeverisës.
Takimi zhvillohet në një nga vilat e bllokut qeveritar në Pogradec.
