Kryeministri Edi Rama ka konfirmuar lajmin e mirë se edhe për muajin dhjetor nuk do të aplikohet fasha energjetike prej “800 kWh”. Gjithashtu Balluku i bëri thirrje qytetarëve që t’i kthehen praktikës së shtatorit dhe tetorit, duke kursyer energji elektrike.
“LAJM I MIRË! Edhe për muajin dhjetor nuk do të aplikohet fasha energjetike prej 800 kWh”, shkruan kryeministri Rama.
“Pas një thirrje që kemi bërë në muajin shtator për shkak të situatës së vështirë dhe çmimeve të larta të importit, qytetarët i janë përgjigjur kësaj thirrje për të konsumuar më pak energji. Megjithatë duhet thënë që kursimi muajt shtator tetor ka qenë i konsiderueshëm dhe na ka dhënë një dorë për të kaluar një situatë të tillë. Dua të kërkoj edhe njëherë angazhimin tuaj, të çdo qytetari, familjari, biznesi të vogël, që të vazhdojmë të kursejmë sepse do të jetë e vetmja mënyrë për të mos aplikuar fashën 800 kWh”, tha Balluku.
