Vijojnë të ngelin marrëdhënie “të akullta” mes Edi Ramës dhe Albin Kurtit. Qëndrimi i Kurtit larg Ramës në stadium në ndeshjen mes Shqipërisë dhe Çekisë shkaktoi reagime të shumta ne media.
Kreu i qeverise shqiptare, Edi Rama dy dite me pare deklaroi se nuk kishte dijeni për vizitën e Kurtit në stadium.
Por një tjetër version ka dhënë Presidenti i Federatës Shqiptare të Futbollit, Armand Duka i cili shprehet se protokolli shtetëror ka qenë i lajmëruar për prezencën në stadium të dy kryeministrave.
“Të dy janë lajmëruar nga protokolli i shtetit shqiptar për të ardhur në stadium. Në kohën kur janë lajmëruar janë akomoduar në vendet më të mirë të mundshme, besoj se kanë qenë akomoduar shumë mirë, mbase miqtë nga Kosova dhe Maqedonia kanë qenë edhe në kushtet më të mira se sa Rama, sepse kanë qenë në kushtet komode të ofruara nga Federata e Futbollit” – tha Duka.
