Shumica e deputetëve të Partisë Socialiste kanë refuzuar që të komentojnë për mediat arrestimin e ish-ministrit të Shëndetësisë, Ilir Beqaj.
Të pyetur nga gazetarët, deputetët socialistë kanë kërkuar që “drejtësia e re” të bëjë punën e saj në këtë çështje.
●》Anila Denaj: Të lutem, do kem komente aty brenda.
●》Xhemal Qefalia: Po ç’a komenti mund të japim ne…?!
●》Ulsi Manja: Mirëmëngjes. Nuk pyeten politikanët për çështjet e drejtësisë. Drejtësia ka punën e vet.
●》Edona Bilali: Asnjë koment. Nuk kam asnjë koment.
Nasip Naço: Të flasë drejtësia, të dëgjojmë drejtësinë. Kur flet drejtësia heshtin të tjerët.
●》Blerina Gjylameti: Nuk komentohet drejtësia.
●》Elisa Spiropali: Çështje ky ngut, çështje ky zell për të vënë mikrofonat për një çështje që do të sqarohet nga drejtësia.
●》Braçe: “Me thënë të drejtën kam parë vetëm lajmet e para. Sa kohë që bëhet fjalë për vjedhje duhet të shoh informacion më të zgjeruar për atë që ndodh realisht. Përtej kësaj, reforma në drejtësi për këtë u bë për të mbajtur përgjegjës, siç nuk u ka asnjë përgjegjës për 21 janarin, për Gërdecin, për gjëra më të rënda që kanë shënuar historinë e këtij vendi. Në momentin që ka implikime lidhur me fondet buxhetore duhet parë shumë seriozisht gjëja”.
