Delegacioni rus në Këshillin e Sigurimit në OKB, u shprehën të indinjuar gjatë mbledhjes së drejtuar nga Edi Rama se përse kryeministri Shqiptar i dha fjalën të parit Presidentit të Ukrainës, Volodymir Zelensky.
Delegatët rusë kanë reaguar me nota proteste, pasi sipas tyre nuk është e drejtë që në mbledhjen e Këshillit të Sigurimit, Zelensky të flasë para tyre.
“Zoti President (Edi Rama), u nxituat me vendimin…. Kemi dy pyetje. Së pari, e mbi të gjitha, duam t’iu pyesim, mbi ç’bazë propozoni që t’i jepni presidentit të Ukrainës, Volodymyr Zelensky, fjalës përpara se të flasin anëtarët e Këshillit të Sigurimit, shumica prej të cilëve, përfaqëson po kështu në nivel të krerëve të shteteve dhe qeverive. Pyetja e dytë që sdua të bëj, me ç’bazë ftoni ju ministrin e Jashtëm të Maqedonisë së Veriut, në takimin e sotmë, në cilësinë e kryetarit të OSBE-së”, tha delegacioni rus.
Përgjigjet Rama: “Një goditje mjaft mbresëlënëse por shkelja këtu ka të bëjë me faktin që Zelenksi do të flasë para anëtarëve të Këshillit. Ka një zgjidhje për këtë: Ju ndaloni luftën dhe presidenti Zelensky nuk do të mbajë fjalën”
