Si kurrë më parë, më 6 dhjetor në Tiranë do të mbahet për herë të parë samiti i Bashkimit Europian. Ministrja Olta Xhaçka ka komentuar samitin, duke thënë se është një vëmendje që unioni po tregon ndaj Ballkanit Perëndimor.
Nga Bukureshti gjatë takimit të udhëheqësve të Konferencës së Mynihut, Xhaçka tha se liderët e Europës në Shqipëri do të gjejnë traditën e mikpritjes.
“Fakti që Samiti BE-Ballkani Perëndimor do të mbahet në Tiranë, në rajonin e Ballkanit Perëndimor, flet për një sërë ndryshimesh madhore në kuptimin gjeopolitik të BE-së drejt një imperativi për një vëmendje të qëndrueshme gjeostrategjike të BE-së për rajonin e Ballkanit Perëndimor. Angazhim i plotë dhe i qartë për perspektivën e anëtarësimit në BE për të gjitha vendet e Ballkanit Perëndimor. Do të jetë një mundësi e mirë për t’i treguar udhëheqësve europiane mikpritjen shqiptare”, tha Xhaçka.
