Argjentina është fituese e Botërorit në Katar pas 36 viteve pritje. Albiceleste triumfuan në finale ndaj Francës pas ekzekutimit të penalltive. Futbollistët argjentinas shkëlqyen në Botëror dhe disa prej tyre kanë përfunduar në shënjestrën e gjigantëve europian.
Njëri nga lojtarët që shkëlqeu me Argjentinën në Katar, ishte sulmuesi i Manchester City, Julian Alvarez. Calcio Mercato, ka lëshuar një lajm bombastik duke shkruar se Inter e ka piketuar Julian Alvarez si përforcimin ideal për vijën e sulmit.
Romelu Lukaku nuk po bind, ndërsa Marcus Thuram është pranë transferimit te Newcastle. Alvarez ka kontratë me Cityn deri në vitin 2027 dhe për kartonin e tij Inter do të duhet të shpenzojë 50 milionë euro, para të cilat Neroaxurët pritet ti arkëtojnë nga shitja e Dumfries.
