Administrata e bashkisë Klos ka bojkotuar punën në shenjë proteste për propozimin e PS për hartën e re territoriale.
Sipas hartës, bashkia e Klosit do të shkrihet me atë të Matit. Në hartën e propozuar nga socialistët, qarku Dibër rezulton me 3 bashki: Dibër, Bulqizë e Mat, 7 qytete dhe 35 njësi administrative.
Protesta janë njoftuar edhe në Belsh e Prrenjas, edhe këto dy bashki që me propozimin e mazhorancës pritet të shkrihen. Ndërsa, ditën e djeshme u zhvilluan protesta në Poliçan, ku qytetarët socialiste dogjën teserat, ndërsa kreu i PS në këtë qytet dha dorëheqjen para protestuesve. Po ashtu, anëtarët e PS-së në Poliçan kanë djegur në shesh edhe teserat e partisë, duke shprehur pakënaqësinë e tyre ndaj politikave të ndjekura nga qeveria.
Sipas draftit të propozuar nga PS, 15 bashki pritet të shkrihen, duke e mbajtur numrin total të bashkive në 61. Bashkitë që përfshihen në propozimin për shkrirje janë: Fushë-Arrëz, Klos, Rrogozhinë, Dimal, Poliçan, Patos, Divjakë, Selenicë, Maliq, Këlcyrë, Memaliaj, Libohovë, Cërrik, Belsh dhe Prrenjas.
