Në Drejtorinë rajonale të Shërbimit të Transportit Rrugor Lushnjes po vijon me ritme të larta puna për riparimin e plotë të godinës, një investim i cili do të bëjë të mundur transformimin e kushteve, në të cilat ofrohen shërbimet për qytetarët pranë kësaj drejtorie.
Nga një godinë tërësisht e amortizuar, do të kthehet në një hapësirë të madhe me kushte dinjitoze për punonjësit dhe shërbime shtesë për 35 mije qytetare. Punimet pasohen edhe nga ndërhyrje në ambiente mbështetëse në poligonin e testimit dhe për çlirimin nga kioskat e rrëmuja e trashëguar.
Krahas rehabilitimit të ambienteve, sistemet e reja kompjuterike që do të aplikohen, do të shkurtojnë kohën e pritjes për qytetarët, por njëkohësisht do të lehtësojnë edhe punën e punonjësve të kësaj DRSHTRR-je.
