Ashtu siç e ka bere me dije shpesh here kryeministri Edi Rama, Shqiperia si kurre me pare po perballet nje turizem te madh.
Aeroporti i Rinasit, i cili ka pasur vitin e kaluar 5.2 milionë pasagjerë, ose thuajse dyfishin e asaj që kishte në vitin 2019, pritet që të ketë një fluks akoma më të madh këtë vit. Vetëm në 4 muajt e parë ka gjysmë milioni më shumë udhëtarë sesa ka qenë në vitin 2021, që mund ta çojë parashikim e këtij viti në rreth 8 milionë pasagjerë, duke e bërë një rekord jo vetëm për Shqipërinë, por njëkohësisht një ndër nivelet më të larta të aeroporteve ballkanike. Po si administrohet kjo rritje e numrit të pasagjerëve?
Gazetari dhe drejtuesi i emisionit “Opinion”, Blendi Fevziu ishte pikërisht në ambientet e Aeroportit të Rinasit, për të parë nga afër se cila është eksperienca në aeroport dhe çfarë po bëhet për të përballuar një fluks, që në vitet e ardhshme mund të jetë me një rritje të paparashikuar.
Me investimet e realizuara deri tani, Aeroporti i Rinasit është reformuar tërësisht për të pritur rreth 10 milionë pasagjerë. Ndër të tjera, flotës që operon përmes aeroportit tonë do t’i shtohet tashmë edhe kompania e njohur e fluturimeve “Low Cost” “Ryanair”, duke shtuar kështu numrin e destinacioneve dhe duke rritur konkurrencën.
