Kryeministri Edi Rama i pranishëm ditën e sotme në qytetin e Vlorës ka folur me siguri duke treguar që Partia Socialiste është e vetmja parti në vend që nuk e ka shkelur interesin e shqiptarëve.
“Nuk ka burrë nëne që më del përballë në këtë pikë. PS është e vetme parti që në asnjë moment nuk e ka shkelur interesin kombëtar në asnjë sekondë”, tha Rama. Megjithatë kreu i qeverise tha se në Shqipëri duhen bërë akoma më shumë dhe se PS do të bëjë më të mirën për qytetarët shqiptarë.
Kryeministri tha se është e nevojshme që të ketë rritje të pagave në sektorin privat. Por sipas tij në këtë kohë të vështirë me krizën energjitike dhe luftën në Ukrainë, fokusi i qeverisë do të jenë pensionistët. Rama tha se në fillim të muajit dhjetor do të nisin të shpërndahen bonuset për Vitin e Ri te të gjithë pensionistët në Shqipëri.
