Nga dita e sotme (1 tetor) hyn në fuqi zyrtarisht Marrëveshja për njohjen e pensioneve mes Shqipërisë dhe Zvicrës.
Lajmin e mirë e ka bërë të ditur kryeministri Ed Rama i cili thotë se qytetarët e të dy vendeve kanë të drejtën të gëzojnë përfitimet e plota të kontributeve.
“Sot më 1 tetor hyn në fuqi Marrëveshja për Sigurimet Shoqërore mes Shqipërisë dhe Zvicrës. Kjo marrëveshje do t’u ofrojë qytetarëve të të dy vendeve të drejtën të gëzojnë përfitimet e plota të kontributeve të tyre. Vetëm përpara”, njofton qeveria Rama.
Pas Zvicrës, Rama shton se së shpejti kjo marrëveshje do ratifikohet edhe me Italinë. Shqipëria dhe Italia kanë përfunduar negocimin teknik të marrëveshjes për pensionet.
