Megjithëse kanë kaluar 4 ditë nga aksioni i SPAK për të “goditur” Sali Berishën, ende nuk ka asnjë reagim nga kryeministri Edi Rama i cili akuzohet nga opozita si orkestrues i urdhër arrestit ndaj Jamarbër Malltezit dhe masës së sigurisë “detyrim paraqitje” për ish-kryeministrin Sali Bershën.
Meditën e sotme, kryeministri Edi Rama thirri në zyrë njerëzit e tij më të besuar në parti dhe parlament. Për një orë, në kryeministri ishin ministrat Taulant Balla dhe Niko Peleshi, kreu i grupit parlamentar, Bledar Cuci dhe anëtarët e komisionit të ligjeve, Damian Gjiknuri, Toni Gogu dhe Klotilda Ferhati.
Zyrtarisht nuk u dha një shpjegim për takimin dhe nëse ai lidhej me aktualitetin dhe cështjen Berisha. Të pyetur nga ABC News, pjesëmarrësit në takim thanë se kishin pasur një takim koordinues mes partisë, parlamentit dhe qeverisë.
