Deputeti i Shkodrës Agron Çela iu bashkua pak ditë më parë Partisë Socialiste, duke braktisur Partinë e Lirisë. Këtë e konfirmoi vetë Çela më 30 dhjetor, duke thënë se nuk i kishte ngel peng për asgjë, pasi ndihej i plotësuar.
Së fundmi deputeti tashmë në radhët e PS është shfaqur duke festuar me socialistët në Shkodër, ku mes tyre është e pranishme edhe ministrja e Shtetit për Marrëdhëniet me Parlamentin, Elisa Spiropali. Gjatë kësaj feste nuk kanë munguar edhe lavdet për ministren, pasi në video dëgjohet këngëtarja duke kënduar:
“O bukuria Elisa mos t’u prishtë, sa e bukur paske kenë”.
