Kryeministri Edi Rama ka dënuar sulmet ndaj EULEX dhe policisë në veri të Kosovës. Rama thotë se Bashkimi Europian duhet të thërrasë me urgjencë tryezën e dialogut.
“Sulmet mbi EULEX Kosovo janë të dënueshme pa asnjë ekuivok ashtu siç është i dënueshëm çdo akt dhune ndaj policisë së Kosovës. Rishfaqja e barrikadave në Veri të Kosovës,bie ndesh me çdo ligj e çdo frymë dialogu e jo vetëm nuk zgjidh asgjë, po përkundrazi komplikon më tej çdo gjë!
Autoritetet e Beogradit duhet mos lejojne përshkallëzimin e mëtejshëm të akteve destabilizuese! Beogradi duhet të ushtrojë ndikimin e vet mbi serbët e Veriut të Kosovës, pa i justifikuar assesi veprimet e tyre cilatdoqofshin arsyet! Arsyet diskutohen nuk përdoren si armë kundër policisë e si barrikada kundër rendit ligjor. BE-ja duhet të thërrasë urgjent tryezën e dialogut” shkruan nder te tjera Edi Rama.
