Fushata zgjedhore në Shqipëri ka forcuar Lekun dhe njëkohësisht ka fundosur monedhat e tjera të huaja.
Këtë të enjte, në vendin tonë 1 Dollar zbriti në nivelin e 86.7 Lekëve duke humbur 0.32 Lekë krahasuar me një ditë më parë.
Në të njëjtat kushte vijon edhe monedha europiane e cila këmbehet me 99.4 Lekë e në kushtet kur banka qëndrore pritet të ulë normën bazë të interesit, sipas ekspertëve, e njëjta politikë pritet të pasohet edhe nga Banka e Shqipërisë.
Leku është fuqizuar edhe ndaj Frangës zvicerane e Paundit britanik të cilat po këmbehen respektivisht me 105.7 e 114.5 Lekë.
Sipas ekspertëve financiarë, gjatë fushatës elektorale Leku pritet të forcohet akoma edhe më shumë në raport me të gjitha monedhat e huaja.
