Deputeti i PD-së, Flamur Noka i qëndron idesë se qeveria qëndron pas sulmit fizik ndaj Sali Berishë në protestë.
Gjatë emisionit “Open”, Noka tha se skenari ishte që “Berisha të goditej për të mos folur, ndërsa turma do vriste agresorin, më pas dhuna do shpërthente në Tiranë”.
“Pasi bëri gjithçka për ta eleminuar politikisht, mori vendim për ta eleminuar fizikisht, dhe i çoi atë. Dhe donte që mos të fliste Sali Berisha, atëherë një sulm i tillë do ta neutralizonte Sali Berishën, nuk do të fliste. Skenari ishte ky, goditet Sali Berisha, nuk flet Sali Berisha, turma e irrituar vret atentatorin, dhe shpërthen kaosi në Tiranë, dhe Edi Rama do t’i thoshte BE-së, ja kush janë këta. Sali Berisha arriti ta menaxhojë në perfeksion. Unë do isha i pari që do e kisha kapur nga fyti dhe s’do e kisha lëshuar“, tha Noka.
