Pavarësisht se Vlora është një bastion i PS, deputetja e PD Ina Zhupa deklaroi se Berisha do të arrijë “rezultat të jashtëzakonshëm” në këto zgjedhje.
Zhupa befasoi teksa tha se në Vlorë PD-ja synon të fitojë 6 mandate.
“Vota e diasporës nuk shkon për PS, ndryshe do të kishin votuar edhe në vitin 2021. PD, e ka humbur mandatin e pestë për shumë pak vota, kur LSI garonte më vete. Tani, që ka një koalicion me PL, PBDNJ, PDIU dhe shumë parti të tjera, vetëm me votat e 2021, pa diaposrën, kemi 5 mandate. Duke futur edhe diasporën, automatikisht kemi dhe mandatin e 6 në Vlorë. Synimi jonë është që përtej barazimit 6-6, ta thyejmë këtë barazim. Por, barazimi është objektivi minimal që i kemi vënë vetes”, tha Zhupa.
