Kuvendi ka marrë masë disiplinore me përjashtim 10 ditor për dy deputetët e opozitës. Bëhet fjalë për Edi Palokën dhe Bujar Leskajn për të cilët thuhet se janë dënuar për shkak se kanë konsumuar pije alkoolike.
Gjatë njoftimit të shpërndarë në mediat, Kuvendi bën me dije se dy deputetë në fjalë bënë veprime të pahijshme dhe përdorën një fjalor banal gjatë procesit të votimit të projektligjit të buxhetit të vitit 2023.
“Kuvendi i Shqipërisë bazuar në rregulloren e vet do të marrë masa disiplinore me përjashtim 10 ditor nga punimet, për deputetet Edi Paloka dhe Bujar Leskajn. Për shkak të konsumit të pijeve alkoolike, dy deputetet bënë veprime të pahijshme dhe përdorën një fjalor banal gjatë procesit të votimit”, njofton Kuvendi.
