Ish-deputeti i PS, Petro Koçi ka komentuar zhvillimet e fundit politike në vend, duke u ndalur te rasti i zv/kryeministres Belinda Balluku për të cilën SPAK ka kërkuar nga Kuvendi lejen për arrestim.
Koçi u shpreh se beson dhe shpreson që Parlamenti do të votojë “pro” kërkesës së SPAK, duke theksuar se Kuvendi ka përgjegjësinë kushtetuese për të dhënë lejen për arrest apo për çdo masë sigurie që mund të vendoset ndaj një zyrtareje të nivelit të lartë.
“Unë besoj dhe shpresoj se Parlamenti do e votojë pro kërkesën e SPAK për lejen që duhet të japë Kuvendi për një arrest apo masë sigurie, që mund të jetë edhe arrest shtëpiak për zonjën Balluku” deklaroi Koçi.
Sipas ish-deputetit socialist, procesi duhet të ndjekë normalisht rrugën ligjore, pa ndërhyrje politike dhe në përputhje me standardet e reformës në drejtësi.
