Meti me profesion usta megjithëse është 72-vjeç tregoi se e dashuron këtë profesion dhe nuk ka menduar ta lërë edhe pse ka dalë në pension.
“Sa të kem takatin do punoj. Kjo puna mua më rinon, më kënaq, unë e dashuroj punën. Shkoj me qejf në punë” – tha Meti i cili paguhet 3500 lekë dita për painime dhe lyerje dhe është një motiv i vërtetë që të rinjtë mos largohen por ta krijojnë të ardhmen e tyre në Shqipëri.
Gjithashtu Meti deklaroi gjatë intervistës: “Një patinim i mirë nuk duhet të jap dritëhije dhe të ketë valëzim. Drita anësore është skaner. Kam 32 vite që merrem me këtë zanat. Patinim aty e qaj unë profesionin. Kam punuar në Itali në Firence, në objekte të vjetra restaurime. Aty kam punuar dhe murator dhe suvaxhi. Vepra më e vështirë janë restaurimet në gurë. Të nxjerrësh gurin e pastër. Pas Italisë kam qenë në Greqi dhe Francë. Jam 72-vjeç dhe do vazhdoj të punoj”.
