Sizmiologu Edmond Dushi ka folur në lidhje me tërmetin që “shkundi” vendin mbrëmjen e djeshme, por që shkaktoi dhe panik tek qytetarët.
Ai tregoi se deri tani ka rreth 62 pasgoditje ndërsa magnituda ka ardhur duke u zvogëluar. Sizmiologu u shpreh se Shqipëria është një vend me lëkundje të shpeshta sizmike dhe se qytetarët duhet të jenë të parapërgatitur.
“Tërmeti që u regjistruar kishte një magnitude 4.7 të shkallës rihter, ndërsa 5.5 ballë. Deri tani kemi rreth 62 pasgoditje dhe magnituda ka ardhur duke u zvogëluar. Qytetarët duhet të parapërgatiten. Jetojmë në një vend që dukuria sizmike është prezente, duhet të jemi të organizuar në shtëpi, ku është këndi apo pozicioni më i sigurt, të evitojmë ashensorët, apo shkallët. Tërmeti ka qenë 21 sekonda” tha Dushi
