Shqipëria do të dërgojë një ekip shpëtimi drejt zonave të prekura nga tërmeti tragjik në Turqi.
Lajmi është bërë i ditur nga kreu i qeverisë Edi Rama i cili shpreh ngushëllimet për jetët e humbura nga tërmeti shkatrrimtar në Turqi. Kujtojmë që deri më tani raportohet se 500 persona kanë humbur jetën nga tërmeti tragjik në Turqi dhe Siri, ndërsa ky numër pritet të rritet pasi ka ende persona nën rrënoja.
“I pikëlluar thellësisht për lajmin e mëngjesit të sotëm për tërmetin shkatërrues që goditi pjesë të Turqisë dhe Sirisë. Ngushëllimet tona më të thella për familjet e shumta që humbën jetën dhe u urojmë shërim të shpejtë të lënduarve. Një mision shpëtimi solidariteti do të niset sot për në Turqi” -shkruan Rama.
