Një tjetër grup kërkim-shpëtimi shqiptar ka shkuar në Turqi për të dhënë ndihmë në zonat e prekura nga tërmeti. Lajmi bëhet i ditur nga kryeministri Edi Rama, i cili ka ndarë foto nga ekipi që solidarizohet me Turqine mike.
“Sapo mbërriti në Stamboll edhe grupi i dytë i efektivëve të Forcave të Armatosura pjesë e skuadrës së kërkim- shpëtimit”, shkruan Rama.
Në grupin e parë të kërkim-shpëtimit ishin 38 shqiptare, të cilët mbërritën ditën e tërmetit në Turqi. Forcat e kërkim-shpëtimit nga Shqipëria, të cilat kanë arritur dje në Turqi, kanë treguar se kanë mundur të nxjerrin një vajzë 4-vjeçare nga rrënojat.
