Kryeministri Edi Rama ka bërë me dije se prej 1 tetorit janë ulur mesatarisht me 99% çmimet e “Roaming” mes Europës dhe vendeve të Ballkanit Perëndimor.
Sipas Ramës, ulja e çmimeve vjen si rezultat i konkretizimit pas firmosjes në Samitin e dhjetorit në Tiranë.
Kjo do t’u mundësojë përdoruesve të telefonisë celulare nga Shqipëria çmime më të ulëta të përdorimit të internetit gjatë kohës kur udhëtojnë në vendet e Bashkimit Europian.
“Lajm i mirë se prej 1 tetorit, çmimet e “Internetit Roaming” mes Europës dhe Ballkanit Perëndimor janë ulur mesatarisht deri 99%, të konkretizuar pas firmosjes së marrëveshjes në samitin historik të dhjetorit në Tiranë”, shkruan Rama.
