Nëse lind nevoja për fonde shtesë në projektet e investimeve buxhetore në vitin 2023, duhet që të miratohen paraprakisht edhe nga Ministri i Financave dhe Ekonomisë.
Për të frenuar përdorimin e instrumentit “shtesë punimesh” një udhëzim i Ministrisë së Financave për zbatimin e buxhetit 2023 përcakton se shtesat në planin e miratuar të projekteve të investimeve publike në kuadër të kontratave për punime ose të ndryshimeve ne planin e projekteve, do të bëhen me miratim paraprak të Ministrit të Financave dhe Ekonomisë, bazuar ne relacionin dhe argumentet mbi domosdoshmërinë e tyre.
Gjithashtu në përpjekje për të vënë rregull në investimet publike Ministria e Financave udhëzon që njësite e qeverisjes qendrore në detajimin e planeve të miratuara të investimeve, do të mbajnë parasysh kritere dhe përparësi në financimin e projekteve./ Monitor
