Bordi i Transparencës ka reaguar dy herë brenda 24 orëve të fundit dhe së fundmi sot ka publikuar çmimet e reja të karburanteve në Shqipëri.
Bordi i ngritur nga Kryeministri Edi Rama ka ulur akoma edhe më shumë çmimin e naftës e cila nga sot do të tregtohet 206 lekë/litër, pra 4 lekë më lirë nga dje. Të njëjtin trend ulës ka edhe benzina e cila do të kushtojë 191 lekë/ litër, kurse gazi 69 lekë/litri.
Çmimet e caktuara nga Bordi do të hynë në fuqi sot, datë 26 janar ora 18.00 pasdite, dhe do të jenë të vlefshme deri në mbledhjen e ardhshme të bordit që është ngritur nga Qeveria Rama për të mos lejuar abuzimet me çmimet.
