Ministri Grek i Mbrojtjes së Qytetarit, Yiannis Oikonomou ka folur aps takimit të zhvilluar në qelinë me Fredi Belerin, i cili ndodhet në burg me akuzën për blerje votash.
Ministri grek ka kërkuar nga pala shqiptare që të lejojnë Belerin që të betohet si kryebashkiak. Ai vijon “kercenimet” e tij duke thënë se zgjatja e kësaj situate, do të hedhë një “hije” serioze mbi marrëdhëniet mes Shqipërisë dhe Greqisë.
“U takova sot në burgun e Durrësit, në prani të ambasadores tonë në Shqipëri, Konstantinas Kamitsi, me Fredi Belerin, i cili qëndron në paraburgim për më shumë se 4 muaj. Për Greqinë ky rast ka qenë që në fillim dhe mbetet tejet serioz. Respektimi i shtetit të së drejtës dhe i të drejtave politike janë parimet dhe vlerat kryesore evropiane. Pala shqiptare duhet të lejojë menjëherë betimin e Belerit si kryetar bashkie, duke respektuar verdiktin e qytetarëve në zgjedhjet e fundit. Zgjatja e situatës aktuale hedh një hije serioze mbi marrëdhëniet tona dypalëshe dhe është në kundërshtim me të drejtën ligjore evropiane” tha Oikonomou.
