Festat e fundvitit deklarohen të hapura. Sot Tirana ka ndezur dritat e pemës, për të pritur Vitin e Ri 2025. Siç e do edhe tradita, kryebashkiaku Erion Veliaj ishte në momentin kur u ndezën dritat e pemës.
Gjatë fjalës së tij, Veliaj u shpreh se gjatë gjithë natës deri në orët e para të mëngjesit do të vijojnë festimet në Tiranë në kuadër të Natës së Bardhë.
“Jemi këtu me çunat e gocat më të paparë të qytetit, artistët më magjikë të Tiranës sonë, me të cilët në orën 18.00, sot pasdite do të hapim dritat e pemës së Vitit të Ri, për gjithë gëzimin që sjell kjo stinë festash. Ndërkohë gjatë gjithë natës, do kemi një Natë të Bardhë, ku do të fillojmë me hapjen e dritave, do të vazhdojmë deri në të gdhirë.”, u shpreh Veliaj.
