Ylli Manjani ka reaguar pas pretendimeve të Sali Berishës se nuk do të njohin zgjedhjet.
Manjani thotë se në rast se opozita nuk i njeh zgjedhjet atëherë automatikisht duhet t’i “djegë” edhe ato pak mandate që fitoi më 11 maj.
“Meqë PD nuk do i njohë këto zgjedhje, kot për kuriozitet, ça do të thotë kjo?! Nuk do i marrë ato 51 apo 52 mandate?! Pra do kthehet prapë te vendimi i Lulit?! Po ja nuk i mori PD, a është e sigurtë se nuk i marrin ato mandate kandidatët që ka në listë?! Burimet gojëliga thonë se disa prej tyre edhe kanë patur shpenzime për të qenë në ato lista dhe për të bërë fushatë… Pa përmendur këtu që Jenisherë e Kërpërata ka sa të duash te lista e PD. Atëhere në ç’llogari bazohet mosnjohja e zgjedhjeve dhe e Parlamentit të dalë prej tyre? Se nuk hyri PD në Parlament si rrëzohet Rama nga pushteti?! Akoma nuk zunë mend këta se është muhabet kot kjo gjë?! Apo presin të zbarkojnë “aleatët” që kanë që në ’45-ën që spo vijnë?”, shkruan Manjani.
