Një nga rregullat kryesorë të “BBV” është që banorët nuk duhet të diskutojnë nominimet e tyre me askënd, por ata e kanë shpërfillur totalisht këtë rregull.
Ata shpeshherë, veçanërisht mbrëmjen e djeshme, bënë plane kë do të nominojnë për ta nxjerrë nga shtëpia. Ndaj, një zarf i zi ka ardhur pak më parë në shtëpinë e “BBV”, për të ndëshkuar banorët. Olta, Luizi, Armaldo dhe Kristi janë katër konkurrentët të cilët i pret një ndëshkim nga zarfi i zi, të cilin do ta mësojmë ditën e nesërme gjatë spektaklit.
“Është shkelur një ndër rregullat kryesore të këtij formati duke diskutuar haptazi nominimet të cilat duhet të mbeten të fshehta. Për këtë arsye: Armaldo, Olta, Kristi dhe Luizi do të penalizohen. Nesër gjatë spektaklit vëllai i madh do ju njoftojë për masat që do të merren kundër jush”, thuhet në zarfin e zi.