Shqipëria ka vendosur të dërgojë një ekip të dytë ndihme në Turqi, nga Forcat e Armatosura. Janë 75 forca me gradën Komando dhe jo vetëm, që janë nisur nga Shqipëria dhe pak më parë kanë mbërritur në Stamboll.
Ministri i Mbrojtjes Niko Peleshi shkruan se Shqipëria është pranë popullit turk në këto ditë të vështira. Forcat e kërkim-shpëtimit nga Shqipëria, të cilat kanë arritur dje në Turqi, kanë treguar se kanë mundur të nxjerrin një vajzë 4-vjeçare nga rrënojat.
“Mbërrin në Stamboll grupi i dytë i mbështetjes nga FARSH. 75 forca po punojnë ditë natë për të shpëtuar jetë në rrënojat e tërmeteve tragjike. Jemi pranë popullit turk në këto ditë të vështira”, shkruan Peleshi.
