Deputeti demokrat Dash Sula është i bindur që Partia Demokratike e udhëhequr nga Sali Berisha nuk fiton dot zgjedhjet e “11 Majit”.
Sula thekson se Berisha do të formojë vetëm një grup parlamentar me “besnikët” e tij, kurse Rama do të vijojë të qëndrojë në pushtet.
“Berisha në 11 maj nuk do që të fitoj zgjedhjet, ai do të krijojë vetëm një grup parlamentar me besnikët e tij që do vijojnë ti bëjnë fresk edhe më 12 maj. Berisha shkeli me të dyja këmbët statutin e PD dhe premtimet e veta dhe u pa qartë se ai as nuk e ka në mend të mund Edi Ramën në zgjedhje. Me kë do e mund me Jenisherin, Kostaq Papën apo me Kujtim Gjuzin?! Apo mos do e mundi duke carë votat e djathta mes tij dhe Lapajt? Demokratë të ndershëm që keni 12 vite që vuani, “armiku” politik nuk mund të luftohet kur brenda kalasë kemi “kalin e trojës”. Për të luftuar kundërshtarin duhet të forcohemi brenda vetes. Si bëhet kjo? Rezultati i 11 majit do te na tregojë. Më 11 maj ne duhet të refuzojmë të përdoremi si mish për top për interesat 1 personi që për të ruajtur pozitat e veta, votat e të djathtëve I ndan mes vetës dhe nismave të reja me filozofi 34-vjeçare të Lapajt”, shkruan ndër të tjera Dash Sula.
