Në projektligjin për turizmin, qeveria Rama ka parashikuar që të vendosë referencë për shfrytëzimin e dhomave të hoteleve. Referuar draftit të dërguar në Kuvend, është vendosur që referenca të mos jetë me çmim të dhomës por me nivelin e shfrytëzimit të kapaciteteve.
Ky ndryshim, vjen për shkak të informalitetit të lartë që ka në sektorin e turizmit, pasi hotelet edhe pse ishin plot, edhe në pikun e sezonit turistik ata deklaronin se po shfrytëzojnë 50-60% të kapaciteteve të tyre.
Po ashtu në projektligj është saktësuar se nëse subjektet nuk deklarojnë saktë numrin e vizitorëve, numrin e netëve të qëndrimit, shtetësinë, rezidencën, gjininë dhe moshën, gjobiten me 1 milion e gjysme lekë te vjetra. Po ashtu gjobë 1 milion lekë te vjetra do të marrin edhe ato struktura që bëjnë deklarim të pasaktë për të dhënat statistikore pasi cenojnë të dhënat mbi turizmin.
Ndryshimet që parashikohen në ligj kanë të bëjnë edhe regjistrimin e njësive akomoduese që deri më tani kanë dhënë apartamente, dhoma, shtëpi me qira në ARBNB të pa-certifikuara, si dhe ashpërsim të gjobave për subjektet që shkelin ligjin.
