Mohamed Alabbar, kreu i kompanisë “Emaar” që do të merret me ndërtimin e Portit të Durrësit deklaroi në një intervistë për Blendi Fevziun në “Opinion” se ky projekt mund të përfundojë pas 10 vitesh.
Sipas Alabbar, do të realizohen rreth 12 mijë apartamente, 300 vende për jahtet si dhe shumë hapësira me shërbime të reja që do ta kthejë Durrësin në “Perlën e Mesdheut”. Ai theksoi po ashtu se ka një interes të lartë të njerëzve nga shtete të ndryshme të botës për projektin, që nga Dubai e deri në Australi.
》Fevziu: Po zona tjetër për sa kohë do të vazhdojë?
》Alabbar: E dini, puna po na ecën shpejt. Nuk dua të gabohem por ndoshta ky projekt do të mbarojë për 10 vite.
》Fevziu: Për 10 vite.
》Alabbar: Qendra e Dubait u ndërtua për 15 vite.
》Fevziu: Po, e di. Dhe sa apartamente, sa metra katrore do të keni në të gjithë projektin deri në fund?
》Alabbar: Mendoj se do të arrijmë diku te 12 mijë apartamente.
